ABŞ-ın yeni seçilmiş prezidenti Donald Tramp Azərbaycan və Ermənistan arasında sülhə nail olmaq üçün unikal bir fürsətə malikdir.

Bu barədə “The Wall Street Journal” nəşri məlumat yayıb.

“Azərbaycan və Ermənistan öz aralarındakı fikir ayrılıqlarını həll etməyə çalışır və bu, ABŞ-ın strateji maraqlarına xidmət edə bilər”, - deyə məqalədə qeyd olunub.

“Tramp Ukraynadakı müharibəni həll etmək barədə vəd verib. Bu, asan deyildir və böyük çətinliklər tələb edir. Lakin daha az səy tələb edən, eyni zamanda əhəmiyyətli nəticələr vəd edən bir sülh imkanı mövcuddur: Ermənistan və Azərbaycan arasındakı uzunmüddətli münaqişəyə son qoymaq. Son bir il ərzində bu iki ölkə danışıqlar aparıb və hazırda dönüş nöqtəsindədir. İki müharibəyə səbəb olmuş bu münaqişənin həlli artıq əlçatandır”, - məqalədə vurğulanıb.