Bu gün dövlət ittihamçısı Qarabağ Qazisi, Tofiq Yaqubluya 4 il 6 ay həbs cəzası istəyib. 

Nizami Rayon Məhkəməsində hakim Nəriman Mehdiyevin sədrliyi ilə siyasi fəalın məhkəməsi davam etdirilir.  

Tofiq Yaqublu martın 22-dən həbsdədir. 

Ona qarşı CM-in 221.3 (silah və ya silah qismində istifadə olunan əşyalar tətbiq etməklə xuliqanlıq etmə) maddəsilə ittiham irəli sürülüb. 

İddia olunur ki, Tofiq Yaqublu avtomobili ilə qəza törədib, daha sonra o biri maşında olan ər-arvadı – Elxan və Cəvahir Cəbrayılovları döyüb, xəsarət yetirib. 

Tofiq Yaqublu ittihamın saxta olduğunu bəyan edib. O, həbsindən əvvəl “Facebook” hesabında yazmışdı: “Dostlar, ciddi təxribatla üzləşmişəm. “8-ci kilometr bazarı“nda park halında olan maşınımı qəsdən, nümayişkəranə şəkildə vurdular və üstümə hücum etdilər. Öyrədilmiş adamlardır...”