“ATV”yə uşaqlara görə XƏBƏRDARLIQ
Tarix: 06.10.2022 / 10:24 •
Oxundu: 81 dəfə •
Azərbaycanın Audiovizual Şurası “ATV” və “MTV” kanallarına xəbərdarlıq edib.
Şuradan İDEALMedia.az -a verilən məlumata görə, şuranın oktyabrın 5-də onlayn formatda iclasında “ATV” və “MTV” kanallarının efirində baş vermiş qanun pozuntuları müzakirə olunub.
Əvvəlcə ümumölkə yerüstü televiziya yayımçısı olan “Azad Azərbaycan” Müstəqil Tele-Radio Kompaniyasının “ATV” redaksiyasının (kanalının) efirində oktyabrın 4-də “Media haqqında” qanunun 14.1.15-ci maddəsinin tələbinin (“Uşaqların zərərli informasiyadan qorunması haqqında” qanunda nəzərdə tutulan tələblərə əməl edilməlidir) pozulması faktı müzakirə olunub.
“ATV” redaksiyasının (kanalının) efirində oktyabrın 4-də saat 13.10 -13.50 arası yayımlanan “Çukur” serialında saat 13.16-da zorakılıq səhnəsi (insana xüsusi alətlə fiziki zorakılıq tətbiq edilərək xəsarət yetirilməsi və həmin insanın iztirab çəkməsi səhnələri) açıq nümayiş etdirilmişdir. Bu isə “Uşaqların zərərli informasiyadan qorunması haqqında" qanunun 4.3.1-ci maddəsinin tələbinə (müəyyən yaş qrupuna aid uşaqlar arasında dövriyyəsi məhdudlaşdırılan zorakılığı və qəddarlığı nümayiş edən informasiya) ziddir.
Sonra peyk yayımı həyata keçirən platforma yayımçısı olan “Muz TV Azərbaycan” MMC-nin “MTV” redaksiyasının (kanalının) efirində oktyabrın 3-də “Uşaqların zərərli informasiyadan qorunması haqqında” qanunun 4.2.1-ci maddəsinin tələbinin (zorakılığı və qəddarlığı təbliğ edən informasiya) pozulması faktı müzakirə olunub.
“MTV” redaksiyasının (kanalının) efirində oktyabrın 3-də saat 13.10–16.00 arası yayımlanan “Ümid ilə gəl” proqramında xanım müəllimlə aparıcı Tarix Əliyev (Tolik) arasında müəllimin şagirdləri döyməsi ilə bağlı dialoq olub və həmin dialoq zamanı aparıcı tərəfindən bu cür davranışlar təqdirlə qarşılanıb. Bu fakt “Uşaqların zərərli informasiyadan qorunması haqqında” qanunun 4.2.1-ci maddəsinə əsasən zorakılığı və qəddarlığı təbliğ edən informasiyaya aiddir. Həmin qanunun 9.2.2-ci maddəsinə əsasən 4.2-ci və 4.3.4-cü maddələrində nəzərdə tutulan, müvafiq olaraq “18+” və “16+” yaş kateqoriyalarına aid informasiya məhsullarının yerli vaxtla saat 6-dan saat 23-dək yayımına məhdudiyyət qoyulur. “Media haqqında” qanunun 14.1.15-ci maddəsinə əsasən “Uşaqların zərərli informasiyadan qorunması haqqında” qanunda nəzərdə tutulmuş tələblərə əməl edilməlidir.
Aparılan müzakirələrdən sonra Azərbaycanın Audiovizual Şurası qeyd olunan pozuntu faktlarına əsasən ümumölkə yerüstü televiziya yayımçısı “Azad Azərbaycan” Müstəqil Tele-Radio Kompaniyasına (“ATV” redaksiyası) və peyk yayımı həyata keçirən platforma yayımçısı “Muz TV Azərbaycan” MMC-ə (“MTV” redaksiyası) belə halların təkrarlanacağı təqdirdə ciddi inzibati sanksiya tətbiq ediləcəyi ilə bağlı xəbərdarlıq edib.
Şuradan İDEALMedia.az -a verilən məlumata görə, şuranın oktyabrın 5-də onlayn formatda iclasında “ATV” və “MTV” kanallarının efirində baş vermiş qanun pozuntuları müzakirə olunub.
Əvvəlcə ümumölkə yerüstü televiziya yayımçısı olan “Azad Azərbaycan” Müstəqil Tele-Radio Kompaniyasının “ATV” redaksiyasının (kanalının) efirində oktyabrın 4-də “Media haqqında” qanunun 14.1.15-ci maddəsinin tələbinin (“Uşaqların zərərli informasiyadan qorunması haqqında” qanunda nəzərdə tutulan tələblərə əməl edilməlidir) pozulması faktı müzakirə olunub.
“ATV” redaksiyasının (kanalının) efirində oktyabrın 4-də saat 13.10 -13.50 arası yayımlanan “Çukur” serialında saat 13.16-da zorakılıq səhnəsi (insana xüsusi alətlə fiziki zorakılıq tətbiq edilərək xəsarət yetirilməsi və həmin insanın iztirab çəkməsi səhnələri) açıq nümayiş etdirilmişdir. Bu isə “Uşaqların zərərli informasiyadan qorunması haqqında" qanunun 4.3.1-ci maddəsinin tələbinə (müəyyən yaş qrupuna aid uşaqlar arasında dövriyyəsi məhdudlaşdırılan zorakılığı və qəddarlığı nümayiş edən informasiya) ziddir.
Sonra peyk yayımı həyata keçirən platforma yayımçısı olan “Muz TV Azərbaycan” MMC-nin “MTV” redaksiyasının (kanalının) efirində oktyabrın 3-də “Uşaqların zərərli informasiyadan qorunması haqqında” qanunun 4.2.1-ci maddəsinin tələbinin (zorakılığı və qəddarlığı təbliğ edən informasiya) pozulması faktı müzakirə olunub.
“MTV” redaksiyasının (kanalının) efirində oktyabrın 3-də saat 13.10–16.00 arası yayımlanan “Ümid ilə gəl” proqramında xanım müəllimlə aparıcı Tarix Əliyev (Tolik) arasında müəllimin şagirdləri döyməsi ilə bağlı dialoq olub və həmin dialoq zamanı aparıcı tərəfindən bu cür davranışlar təqdirlə qarşılanıb. Bu fakt “Uşaqların zərərli informasiyadan qorunması haqqında” qanunun 4.2.1-ci maddəsinə əsasən zorakılığı və qəddarlığı təbliğ edən informasiyaya aiddir. Həmin qanunun 9.2.2-ci maddəsinə əsasən 4.2-ci və 4.3.4-cü maddələrində nəzərdə tutulan, müvafiq olaraq “18+” və “16+” yaş kateqoriyalarına aid informasiya məhsullarının yerli vaxtla saat 6-dan saat 23-dək yayımına məhdudiyyət qoyulur. “Media haqqında” qanunun 14.1.15-ci maddəsinə əsasən “Uşaqların zərərli informasiyadan qorunması haqqında” qanunda nəzərdə tutulmuş tələblərə əməl edilməlidir.
Aparılan müzakirələrdən sonra Azərbaycanın Audiovizual Şurası qeyd olunan pozuntu faktlarına əsasən ümumölkə yerüstü televiziya yayımçısı “Azad Azərbaycan” Müstəqil Tele-Radio Kompaniyasına (“ATV” redaksiyası) və peyk yayımı həyata keçirən platforma yayımçısı “Muz TV Azərbaycan” MMC-ə (“MTV” redaksiyası) belə halların təkrarlanacağı təqdirdə ciddi inzibati sanksiya tətbiq ediləcəyi ilə bağlı xəbərdarlıq edib.
