Məhkum Əkbərli Nurlan Şahin oğlunun anası Babayeva Gülgəz Bəyiş qızı Prezident İlham Əliyev və İDEAL Media Gropu – nun qurucusu Nazim Quliyevə  müraciət etmişdir. 

Müraciətdə deyilir: “ Hörmətli Cənab Prezident ! 

Övladım 2001-ci il təvəllüdlü Əkbərli Nurlan Şahin oğlu 13 aprel 2022-ci ildə  Azərbaycan Respublikası Cinayət Məcəlləsinin 126.1-ci maddəsi ilə təqsirli bilinməklə 2 il 9 ay 24 gün azadlıqdan məhrumetmə cəzasına məhkum edilmişdir. 

Xroniki ağciyər xəstəliyi daşıyıcısı  olduğundan Ədliyyə Nazirliyi Pentensiar xidmətin 3 saylı ixtisaslaşmış müalicə müəssisəsində  (tubzon) saxlanılır. 

Artıq 1 il 3 aydır ki, hər ay 100 manat icarə pulu ödəməklə oğlum Əkbərli Nurlan Şahin oğlu həmin müəssisədə cəza çəkir.

Oğluma etinasız və eqaist münasibət sərgiləyən nəzarətçi həm də onu təhqir edərək nəlayiq küçə söyüşləri ifadə etmişdir. Olaydan əvvəlcədən məlumatlı olmuş rəis heyyəti problemi çözmək əvəzinə, çıxış yolu olaraq oğlumun qollarını çarpaz şəkildə arxadan qandalladaraq karsa atdırmışdır. 

Çıxış yolu olaraq oğlumu təcili (“speç etab”) şəkildə Penitensiar Xidmətin Böyük Şor qəsəbəsində yerləşən müalicə müəssiəsinin cərahiyyə şöbəsinə yatab etdirmişdir. 

Bir ana olaraq mənim apardığım mübarizə tubzon  rəisi Anar Məmmədovun  xoşuna gəlmədiyindən o, övladımı gecə ilə tubzona qaytarmışdır. 19 iyun 2023-cü il tarixdə görüşərkən və bu gün telefonla danışarkən oğlum ona qarşı həyata keçirilən  işgəncələrə dözmədiyini bildirmiş və özünə qəsd edəcəyini and-aman etmişdir. 

Məlum edirəm ki, həyat yoldaşım Həsənov Şahin Əkbər oğlu 1-ci qrup Qarabağ qazisidir. 

Hörmətli Cənab Prezident !

Dövlət içərisində öz, kriminal dövlətini qurub qanunları alqı-satqı predmetinə çevirmiş məhkuma əşya, xammal maklatura münasibəti sərgiləyən Ədliyyə Nazirliyi Penitensiar Xidmətin İxtisaslaşmış Müalicə müəssisənin rəisi Anar Məmmədov və onun gestapol dəstəsinin əməllərinə hüquqi qiymət verilməsi və oğlumun təhlükəsiz şəraitdə cəza çəkməsi üzrə tədbirlər görməyinizi Sizdən xahiş edirəm. “

P.S. Mövzu diqqətimizdədir. 

Məhkum Əkbərli Nurlan Şahin oğlunun təhlükəsiz yaşamaq və bütün fundamental Konstitusion hüquqlarının bərqərar olunması istiqamətində lazım olan bütün addımları atacayıq.