Bakı şəhəri, Sabunçu rayonu Bakıxanov qəsəbəsi Abdullayev küçəsi ev 4 ünvanında yaşayan  Xudiyev Azər Müseyib oğlu Prezident İlham  Əliyevə müraciət etmişdir: 

Müraciətədə deyilir: “Hara, kimə müraciət etməli olduğum Dövlət təssisatlı hüquqi ünvanları vəhşi cəngəllik qanunları basdığından, təkrarən Sizə müraciət edirəm ki, bəlkəm fundamental konstitusion  hüquqlarım tanındı. 

Mənə və ailə üzvlərimə qarşı silsilə dələduzluq cinayətləri törətmiş Goranboy rayonu Qızıl Hacılı kənd sakini Eminov Neman Bayram oğlu ilə bağlı  Daxili İşlər Naziriliyinin  102 çağrı xidmətinə etdiyimiz çoxsaylı şikayətlər Nizami Rayon Məhkəməsi ( Rauf Əhmədov), Nizami Rayonu Polis İdrəsi (müstəntiq Cəmşid Sadıqov), Nizami Rayonu 23-cü polis bölməsinin bir neçə (Ömər Məmmədov ,Şəbnəm Ələkbərova) tərəfindən sobataj karuselinə mindirilərək zimbabve meşələrinə daşınmaqdadır. 

Təsəvvür  edirsinizmi, Nizami Rayon Məhkəməsində hakim Rauf Əhmədovun sədirliyilə 23-cü Polis Bölməsinin təhqiqatçısı, polis leytenantı Ömər Məmmədovun icraatında olan HK-1-577 saylı qondarma qərarından məhkəmə nəzarəti qaydasında  vermiş olduğum şikayət (iş 6(007)-26/2022) dəvət edilsəmdə sonradan heç bir nəticəsi olmamışdır.

 Nizami Rayon Polis İdarəsinin İstintaq  bölməsinin baş müstəntiqi polis mayoru Cəmşid Sadıqov  01.02.2023 tarixdə qəbul etdiyi absurd  qərarında iddia edir ki, mənə ümumilikdə  3130 manat pul atmış Eminov Nemanın yerini müəyyən edə bilməmişdir. Tragikomikdir. Əgər Eminov Nemanı tapa bilməyən  Azərbaycan Polisi necə ola bilir ki, dələduzun əleyhimə “əks arqument” olaraq təqdim etdiyi sənədlər  iş materiallarını bəzəyir.Dələduz Neman Eminov törətmiş  olduğu cinayət  barədə Goranboy Rayon Polis İdarəsində etiraf etmisdir. Artıq 2-ci ildir ki,   Azərbaycan Polisi dələduz Neman Eminovu mühafizə etməklə məşğuldur. İnsan hüquqlarını,  hüquqi   dövlətin mahiyyətini tanımır və yaxud da tanımaq istəmirlər.  Bilmirəm ölkəmizdə dələduzluq cinayəti  üzrə araşdırılması üzrə  hansı dövlət təsisatı məsul edilmisdir. 

Hörmətli Cənab Prezident !

Sübuta ethtiyacı olmayan başqa cinayət faktı üzrə dələduz Nemanov Emin Bayramoğlunun əməllərinə hüquqi qiymət verilməsi üzrə tədbirlər görməyi Sizdən xahiş edirəm.