Qışda koronavirus havada 10 dəqiqədən artıq qala bilər
Tarix: 24.12.2020 / 17:51 •
Oxundu: 116 dəfə •
Koronavirusun müxtəlif səthlərdə eləcə də havada qalma müddəti 5-10 dəfəyə qədər artır və o daha asanlıqla insan orqanizminə keçə bilir.
Bunu,Hacettepe Universiteti Tibb Fakültəsi Uşaq Xəstəlikləri Şöbəsinin müəllimi, professor Ateş Kara deyib.
“Biz bu virusun istilikdən və Günəş işığından təsir gördüyünü, Günəşin şüalarına dayanıqlı olmadığını söyləmişdik.Əvvəllər masa üzərində bəlkə 1-2 dəqiqə, hətta 30 saniyə qaldıqda yoluxma potensialını itirirdi. İndi bu müddət qış mövsümü səbəbilə 5 dəqiqəyə qədər çıxa bilir. Deyək ki, məndə virus var. Mən masamda danışanda və ya öskürəndə çıxan virus 1 dəqiqə belə canlı qala bilmirdi.
İndi 10 dəqiqə canlı qala bilir. Buna görə də mütləq əl gigiyenasına diqqət etmək lazımdır”, - professor qeyd edib.
