NAZİM İDEAL: Tutub buraxanlar
Tarix: 15.05.2022 / 22:38 •
Oxundu: 153 dəfə •
İnsan taleyinə məsul olan konsentrik dairələrin öz-özünü de-şifre etmələri təbii haldlr.
Çün ki, bu sistemdə olanların böyük əksəriyyəti və onların iradəsinin lakey icraçıları istənilən sıxıntı anlarında hər şeylərini satmağa,özlərini belə şərləməyə müntəzir olan alçaq və alçaqlardır.
Normal ölkə olsaydı bu ifadələrdən sonra içib şalvarını batıran qaralov zakiri və onun bandasını dərhal haqq etdikləri həbsxanaya göndərərdi..!?
Ədalətin bərqərar olunacağı xəyanət yuvası-məzhəkədə MTN-şiklərin verdikləri ifadə ilə Sizdə tanış olun.
"Zakir Qaralov, Rüstəm Usubov deyirdi həbs et, edirdim, azad et, edirdim”.
Ləğv edilmiş Milli Təhlükəsizlik Nazirliyinin (MTN) Baş İstintaq İdarəsinin sabiq rəisi, general-mayor Mövlam Şıxəliyev, onun müavini Yasin Məmmədov və idarənin şöbə rəisləri Vüsal Ələkbərovla Sahib Ələkbərovun cinayət işi üzrə məhkəmə prosesi davam etdirilir.
Növbəti prosesdə zərərçəkən Qulam Bağırov dindirilib.
O, ifadəsində təqsirləndirilən Sahib Ələkbərovun həbs olunmasını istəyib: “Sahib Ələkbərov 2009-cu ildə mənə hədə-qorxu gələrək külli miqdarda pul tələb etdi. Məni girov götürməklə qardaşımdan 135 min dollar pul aldı. Pulu verməyəcəyim təqdirdə vaxtilə polis tərəfindən araşdırılan və adımın keçdiyi, xitam olunmuş cinayət işini tələb edib MTN-də istintaq olunacağını bildirdi. Cinayət işi üzrə xitam qərarını Baş prokurorun birinci müavini Rüstəm Usubovun qərarı əsasında ləğv etdirdi. Həbs adlı girovluqda olduğum zaman ailə üzvlərimi məcbur etdi ki, külli miqdarda pulu ödəsinlər. Ailəmə demişdi ki, tələb etdiyi məbləğ verilməsə, məni içəridə çürüdəcəklər. Sahib Ələkbərovun əməlində ağır cinayət tərkibi mövcuddur və ona bu maddə ilə ittiham irəli sürülməlidir”.
Təqsirləndirilən Sahib Ələkbərov isə ifadəyə belə münasibət bildirib:
“Mən müstəntiq idim, Mövlam Şıxəliyevə məruzə edirdim.
O da birbaşa Zakir Qaralova, Rüstəm Usubova məruzə edirdi.
Onların birbaşa yazılı və şifahi göstərişlərini icra edirdim.
Deyirdilər ki, həbs et, edirdim, azad et, edirdim.
Həbs edəndə hansı maddə ilə vəsatətin yazılmasını tapşırırdılar.
Azad ediləndə də yenə də onlar deyirdi, mən də azad edirdim.
MTN-in istintaq idarəsində yeganə namuslu, vicdanlı müstəntiqlərdən olmuşam, Allahımı tanımışam”.
Qeyd edək ki, Mövlam Şıxəliyev MTN-də İstintaq Baş İdarəsinin rəisi vəzifəsində çalışdığı 2008-2014-cü illərdə qeyd edilən qurumun tərkibindəki şöbənin sabiq rəisi Vüsal Ələkbərov, İbtidai istintaq idarəsinin sabiq rəis müavini Yasin Məmmədov, şöbə rəisinin sabiq müavini Sahib Ələkbərovla mütəşəkkil dəstə tərkibində iş adamlarından hədə-qorxu yolu ilə külli miqdarda pul tələb etməkdə ittiham olunur. İstintaqla M.Şıxəliyevin mütəşəkkil dəstə halında ümumilikdə 14 milyon 292 min manatı rüşvət qismində, 5 milyon 77 min manat pulu hədə-qorxu ilə tələb edib almasına əsaslı şübhələr müəyyən edilib və barəsində həbs qətimkan tədbiri seçilib. Cinayət işi üzrə 32 zərərçəkmiş var.
