Deputatın qızının bağçasında UŞAQLARI DÖYÜRLƏR?
Tarix: 16.09.2021 / 12:10 •
Oxundu: 176 dəfə •
Deputat, Ana Vətən Partiyasının sədri Fəzail Ağamalının qızı Günay Ağamalının rəhbəri olduğu “Buta” bağçasında 7 yaşlı daun sindromlu uşağın döyülməsi ilə bağlı polisə şikayət daxil olub.
Bakı şəhər sakini A.K Nərimanov RPİ 16-cı Polis Bölməsinə müraciət edərək bildirib ki, bu ilin iyun ayından sentyabrın 14-dək olan müddətdə 2014-cü il təvəllüdlü qızı təhsil aldığı “Buta” bağçasının müəllimləri tərəfindən döyülüb.
Həmin bağçanın sahibi Günay Ağamalı açıqlamasında bildirib ki, həmin valideyn uşağını son 3 ay ərzində bağçaya göndərsə də, sonra ödənişləri geri istəyib: “Üç ay üçün aylıq 270 manat ödəniş edib, loqoped müəllimə isə 200 manat vermişdi. Son günlər isə bağçada uşağına yaxşı baxılmadığını deyərək həmin pulu geri istəyir. Əgər bu aylar ərzində uşağı bağçaya qoyub narazı idisə, nəyə görə övladını dərsə gətirməyə davam edirdi? Həmin valideyn bizi təhdid etdiyi üçün mən polisə müraciət etdim. Bizim müraciətimiz əsasında polis həmin qadını izahat almaq üçün dəvət edəndə o, bizimlə bağlı şikayət yazıb. Əgər onun övladı döyülmüşdüsə, bundan öncə niyə polisə müraciət etməyib? O xanımın məqsədi bizim bağçanın nüfuzuna xələl gətirmək və ödədiyi pulu geri almaqdır”.
Bakı şəhər sakini A.K Nərimanov RPİ 16-cı Polis Bölməsinə müraciət edərək bildirib ki, bu ilin iyun ayından sentyabrın 14-dək olan müddətdə 2014-cü il təvəllüdlü qızı təhsil aldığı “Buta” bağçasının müəllimləri tərəfindən döyülüb.
Həmin bağçanın sahibi Günay Ağamalı açıqlamasında bildirib ki, həmin valideyn uşağını son 3 ay ərzində bağçaya göndərsə də, sonra ödənişləri geri istəyib: “Üç ay üçün aylıq 270 manat ödəniş edib, loqoped müəllimə isə 200 manat vermişdi. Son günlər isə bağçada uşağına yaxşı baxılmadığını deyərək həmin pulu geri istəyir. Əgər bu aylar ərzində uşağı bağçaya qoyub narazı idisə, nəyə görə övladını dərsə gətirməyə davam edirdi? Həmin valideyn bizi təhdid etdiyi üçün mən polisə müraciət etdim. Bizim müraciətimiz əsasında polis həmin qadını izahat almaq üçün dəvət edəndə o, bizimlə bağlı şikayət yazıb. Əgər onun övladı döyülmüşdüsə, bundan öncə niyə polisə müraciət etməyib? O xanımın məqsədi bizim bağçanın nüfuzuna xələl gətirmək və ödədiyi pulu geri almaqdır”.
